इंग्ल्यान्डमाथि दक्षिण अफ्रिकाको शानदार जित

काठमाडौँ – दक्षिण अफ्रिकाले घरेलु टोली इंग्ल्यान्डविरुद्धको तीन खेलको एकदिवसीय सिरिजमा १-० को अग्रता बनाएको छ । मंगलबार राति भएको पहिलो खेल पाहुना टोली दक्षिण अफ्रिकाले ६२ रनले जित्दै सिरिजमा अग्रता बनाएको हो ।

दक्षिण अफ्रिकाले दिएको ३ सय ३४ रनको लक्ष्य पछ्याएको इंग्ल्यान्ड ४६ ओभर ५ बलमा अलआउट हुँदै २ सय ७१ रनमा समेटिएपछि खेल दक्षिण अफ्रिकाले जित्यो ।

---

इंग्ल्यान्डका लागि जो रुटले सर्वाधिक ८६ तथा जोनी बेरस्टोले ६३ रन जोडे । दक्षिण अफ्रीकी बलर एनरिच नगिडीले सर्वाधिक ४ तथा तवर्ज सम्सी र एइडेन मार्करामले समान २-२ विकेट हात पारे ।

यसअघि टस जितेर पहिले ब्याटिङ गरेको दक्षिण अफ्रिकाले निर्धारित ५० ओभरमा ५ विकेट गुमाउँदै ३ सय ३३ रन जोड्यो । दक्षिण अफ्रिकाका लागि रासी भान डेर डुसेनले सर्वाधिक १ सय ३४ तथा एइडेन मार्करामले ७७ रनकाव योगदान गरे ।