पुबुदु दासानायके क्यानाडाको मुख्य प्रशिक्षक नियुक्त

काठमाडौँ – पुबुदु दासानायके क्यानाडा राष्ट्रिय क्रिकेट टिमका मुख्य प्रशिक्षक नियुक्त भएका छन् । क्यानाडाको क्रिकेट बोर्डले बुधबार दासानायके मुख्य प्रशिक्षक नियुक्त भएको जनाएको हो । ​दासानायकेले बुधबार नै नेपाली राष्ट्रिय क्रिकेट टिमको मुख्य प्रशिक्षक पदबाट राजीनामा दिएका हुन् । 

स्कटल्यान्डको भ्रमण सकेर नेपाल आएका लगतै दासानायकेले राजीनामा दिएका थिए ।  नेपालले अष्ट्रेलियामा यसै वर्ष हुने आईसीसी टी-ट्वान्टी विश्वकपमा पुर्‍याउन असफल रहेका दासानायकको प्रशिक्षणमा नेपाली टिमले आईसीसी पुरुष क्रिकेट विश्वकप लिग-२ मा समेत खराब प्रदर्शन गर्दै आएको थियो । 

---

उनको प्रशिक्षणमा नेपालले लिग-२ मा १२ खेल खेल्दा केवल ४ खेलमा जित तथा ७ खेलमा पराजय भोगेको थियो । एक खेल बराबरीमा टुंगिएको थियो । 

पहिलो कार्यकालमा सफल मानिएका दासानायकेले दोस्रो कार्यकालमा भने एक वर्ष पुरा नहुदै राजीनामा दिएका हुन् । गत मंसिर महिनामा नेपाल क्रिकेट संघ क्यानले उनलाई प्रशिक्षक नियुक्त गरेको थियो ।