नेपाली क्रिकेट उत्कृष्ट कप्तानको हातमा छः पुबुदु

काठमाडौँ – नेपाली राष्ट्रिय क्रिकेट टिमका पूर्व मुख्य प्रशिक्षक पुबुदु दासानायकेले नेपाली क्रिकेट टिम युवा तथा उत्कृष्ट कप्तानको हातमा रहेको बताएका छन् । दासानायकले बुधबार नेपाली राष्ट्रिय क्रिकेट टिमको प्रशिक्षक पदबाट राजीनामा दिदैँ सोही दिन क्यानाडाको मुख्य प्रशिक्षकमा नियुक्त भएका थिए । 

तर दासानायकेले जादाँजादै नेपाली क्रिकेट युवा तथा उत्कृष्ट कप्तान सन्दीप लामिछानेको हातमा रहेको सामाजिक सञ्जाल फेसबुकमार्फत लेखेका छन् । उनले कप्तान सन्दीप तथा नेपाली टिमका लागि केही असम्भव नरहेको समेत लेखेका छन् । 

---

यसका साथै उनले आफ्ना समर्थकले राम्रो र अप्ठ्यारो समयमा आफूलाई साथ र सहयोग गरेको तथा आलोचकहरूका कारण आफूलाई पछि गएर राम्रो हुन मदत गर्ने उल्लेख गरे । ​

दासानायकेले नेपाली क्रिकेटको हिस्सा हुन पाउँदा धन्य भएको फेसबुकमा लेखेका छन् ।