तीन देशलाई आईसीसीको सदस्यता, युक्रेनले भने कुर्नुपर्ने

काठमाडौँ – इन्टरनेसनल क्रिकेट काउन्सिल (आईसीसी) ले तीन नयाँ देशलाई सदस्यता दिएको छ । इंग्ल्यान्डमा भएको आईसीसीको वार्षीक साधारणसभाका क्रममा एसियाका कम्बोडिया र उजवेकिस्तान तथा अफ्रिकाको कोट डी’आइभोइरलाई सदस्यता प्रदान गरिएको हो । 

यससँगै आईसीसीको सदस्य संख्या १ सय ८ पुगेको छ । त्यसमध्ये ९६ एसोसियट सदस्य हुन् । एसियाबाट अब सदस्य संख्या २५ तथा अफ्रिकाबाट २१ पुगेको आईएएनएसले जनाएको छ । 

---

घरेलु संरचना तथा प्रतियोगिताको आधारमा आईसीसीको सदस्यता प्रदान गरिने गरिन्छ । त्यसमा ५० ओभर र २० ओभरको खेल आयोजना गर्ने पूर्वाधारका साथै युवा तथा महिला क्रिकेटको संरचना विकासको अवधारणा हुनुपर्ने हुन्छ ।

यसैबीच क्रिकेट गतिविधि सुरक्षित तरिकाले नफर्केसम्म युक्रेनको सदस्यताको लागि दिएको आवेदन स्थगित गरिएको छ ।