दक्षिण अफ्रिकाविरुद्ध इंग्ल्यान्डको जित

काठमाडौँ – पाहुना टोली दक्षिण अफ्रिकाविरुद्धको पहिलो टी-ट्वान्टी खेल इंग्ल्यान्डले ४१ रनले जितेको छ । जितसँगै तीन खेलको सिरिजमा घरेलु टोली इंग्ल्यान्डले १-० को अग्रता लिएको छ ।

बुधबार राति ब्रिस्टलमा भएको खेलमा इंग्ल्यान्डले दिएको २ सय ३५ रनको विशाल लक्ष्य पछ्याएको दक्षिण अफ्रिकाले निर्धारित २० ओभरमा ८ विकेट गुमाएर केवल १ सय ९३ रन मात्र जोड्न सक्यो ।

---

दक्षिण अफ्रिकाका लागि ट्रिस्टन स्टब्सले सर्वाधिक ७२ रनको योगदान गरे । इंग्ल्यान्डका रिचर्ड ग्लिसनले सर्वाधिक ३ तथा रिसे टोप्ले र आदिल रशिदले समान २-२ विकेट हात पारे ।

यसअघि टस हारेर पहिले ब्याटिङ गरेको इंग्ल्यान्डले निर्धारित २० ओभरमा ६ विकेट गुमाएर २ सय ३४ रन जोडेको थियो । इंग्ल्यान्डका लागि जोनी बेयरस्टोले सर्वाधिक ९० रन तथा मोइन अलीले ५२ रनको योगदान गरे ।

दक्षिण अफ्रिकाका लागि लुङगी नगिडीले सर्वाधिक ५ तथा एन्डिल फेहलुक्वायोले १ विकेट हात पारे ।