युएईको क्रिकेट लिगका शीर्ष खेलाडीले ४,५०,००० डलर पाउने

काठमाडौँ – युएईको इन्टरनेसनल लिग टी-ट्वान्टी क्रिकेटका शीर्ष खेलाडीलाई प्रत्येक सिजनमा ४ लाख ५० हजार अमेरिकी डलर प्रदान गरिने भएको छ । रकमको हिसाबले यो इन्डियन प्रिमियर लिग (आईपीएल) पछिकै सबै भन्दा ठूलो हो ।

इमिरेट्स क्रिकेट वोर्डले लिग आयोजना गरेपनि यसमा आईपीएलका मालिकहरुको ठूलो लगानी रहेको छ । जनवरीमा सुरु हुने लिगका लागि प्रत्येक टिमको तलबको सीमा २५ लाख अमेरिकी डलर रहेको क्रिकइन्फोले जनाएको छ । सबै भन्दा कम कमाउने खेलाडीले १० हजार अमेरिकी डलर पाउनेछन् ।

---

आईपीएलमा भने प्रत्येक सिजनमा सर्वाधिक कमाउने खेलाडीले २० लाख अमेरिकी डलरसम्म पाउने गरेका छन् । जबकी पाकिस्तान सुपर लिगमा उत्कृष्ट खेलाडीको सर्वाधिक तलब २ लाख अमेरिकी डलर रहेको छ । द हन्ड्रेडले १ लाख ६४ हजार तथा बीबीएलले २ लाख ३८ हजार डलर तिर्ने गरेको छ ।

जनवरी ६ देखि फेब्रुअरी १२ सम्म चल्ने युएईको लिगमा ६ टिमको सहभागिता रहनेछ । ती मध्ये ३ टिमको मालिक आईपीएलका टिम रहेका छन् ।