काठमाडौँ- घरेलु टोली केन्या र नेपालबीचको तेस्रो तथा अन्तिम एकदिवसीय क्रिकेट खेल आज हुँदैछ । खेल नेपाली समय अनुसार नैरोबीको जिमखाना स्टेडियममा ११:४५ बजे सुरु हुनेछ ।

तीन खेलको सिरिज २-० ले आफ्नो पक्षमा पारिसकेको नेपालका लागि सिरिज क्लिन स्विप गर्ने अवसर रहेको छ । आजको खेलमा जित हात पारे नेपालले सिरिज ३-० ले क्लिन स्विप गर्नेछ ।

---

अघिल्ला दुई खेलमध्ये पहिलो खेल नेपालले सात विकेट तथा दोस्रो खेल १७ रनले जितेको थियो । यसअघि भएको पाँच खेलको टी-ट्वान्टी अन्तर्राष्ट्रिय सिरिज भने नेपालले ३-२ ले आफ्नो पक्षमा पारेको थियो ।