कप्तानी छाडेपछि खासै सहयोग प्राप्त भएनः कोहली

काठमाडौँ- भारतीय क्रिकेट टिमका पूर्व कप्तान विराट कोहलीले टेष्ट टिमको कप्तान छाड्दा थोरैमात्र सहयोग प्राप्त भएको खुलासा गरेका छन् ।

दक्षिण अफ्रिकाविरुद्धको टेष्ट सिरिज २-१ ले हारेपछि गत जनवरीमा कप्तान रहेका कोहलीले टेष्ट टिमको कप्तानबाट राजीनामा दिएका थिए ।

---

३३ वर्षीय कोहलीले ६८ टेष्ट खेलमा भारतका लागि कप्तानी गर्दा ४० खेलमा जित दिलाउँदा १७ खेलमा पराजय भोगेका थिए ।

कोहलीका अनुसार उनले कप्तानी छाड्दा आफूसँग खेलेका केवल महेन्द्र सिंह धोनीले मात्र म्यासेज पठाएको दाबी गरे । कैयौ जनासँग आफ्नो मोबाइल नम्बर भएपनि केवल धोनीले मात्र आफूलाई सम्झिएको कोहलीले बताए । उनले यस्ता कुराहरूले आफ्नो जीवनमा महत्व राख्ने जिकिर गरे ।