अष्ट्रेलियन क्रिकेटर फिन्चले एकदिवसीय नखेल्ने

काठमाडौँ- अष्ट्रेलियन क्रिकेटर आरोन फिन्चले एकदिवसीय अन्तर्राष्ट्रिय क्रिकेटबाट सन्न्यास लिने भएका छन् । न्यूजिल्यान्डविरुद्धको एकदिवसीय सिरिजपछि कप्तान समेत रहेका फिन्चले एकदिवसीय क्रिकेटबाट सन्न्यास लिने घोषणा गरेको क्रिकेट अष्ट्रेलियाले जनाएको क्रिकबजले जनाएको छ ।

फिन्चले अष्ट्रेलियाका लागि १ सय ४५ खेल खेलेका छन् र उनले ५४ खेलमा कप्तानी समेत गरेका छन् । एकदिवसीयबाट सन्न्यास लिएपनि फिन्च भने टी-ट्वान्टी टिमको कप्तान रहिरहनेछन् ।

---

सन् २०१३ मा एकदिवसीयमा डेब्यु गरेका फिन्चले अष्ट्रेलियालाई सन् २०१५ मा विश्वकपको उपाधि दिलाएका थिए । उनले एकदिवसीयमा ५ हजार ४१ रन जोड्दा १७ शतक तथा ३० अर्धशतक प्रहार गरेका छन् ।

फिन्चले यसै वर्ष अष्ट्रेलियामा हुने आईसीसी टी-ट्वान्टी विश्वकपमा घरेलु टोलीको कप्तानी गर्नेछन् ।