नेपाल टी-ट्वान्टी लिगका लागि मार्की प्लेयर घोषणा

काठमाडौँ- नेपाल टी-ट्वान्टी लिगका लागि राष्ट्रिय क्रिकेट टिमका ६ क्रिकेटर मार्की प्लेयर चुनिएका छन् ।

नेपाल क्रिकेट संघ (क्यान) ले शनिबार गरेको ड्राफ्ट अनुसार आशिफ शेखलाई पोखरा एभेन्जर्स, दिपेन्द्र सिंह ऐरीलाई लुम्बिनी अल स्टार्स, ज्ञानेन्द्र मल्ललाई काठमाडौँ कान्तिपुर, करण केसीलाई फारवेस्ट युनाइटेड, रोहित पौडेललाई विराटनगर सुपरकिंग्स र सोमपाल कामीलाई जनकपुर रोयल्सले मार्की खेलाडीको रुपमा पाएको छ ।

---

पोखराले शरद भेषावकरलाई समेत खरिद गरेको छ ।

उनीहरु ए श्रेणीका खेलाडीको रुपमा रहेका छन् र  उनीहरुले जनही १५ लाख पाउने भएका छन् । ​ड्राफ्टमा ९२ खेलाडी छन् । 

लिग सेप्टेम्बर २४ देखि अक्टोबर २२ सम्म हुनेछ ।