सन्दीप भाग्नुले देशमा दण्डहीनता संस्थागत रहेको पुष्टि हुन्छः मोहना अन्सारी

काठमाडौँ- राष्ट्रिय मानव अधिकार आयोगकी पूर्व सदस्य मोहना अन्सारीले बलात्कारको आरोप लागेका पूर्व क्रिकेटर सन्दीप लामिछाने भाग्नुले देशमा दण्डहीनता संस्थागत रहेको देखाएको धारणा व्यक्त गरेकी छन् । 

सामाजिक सञ्जाल ट्वीटरमा अन्सारीले सन्दीप भाग्नु भनेको दण्डहीनता संस्थागत हुनुको परिणाम भएको लेखेकी छन् । उनले सन्दीपलाई भगाउनमा प्रहरी र नेपाल क्रिकेट संघको संलग्नता रहेको भन्ने अभिव्यक्ति सहितको ट्वीट पोष्ट गरेकी छन् ।   

---

‘सन्दीप लामिछाने भाग्नु भनेको दण्डहीनता संस्थागत् छ भन्ने परिणाम हो । संदिपलाई भगाउनमा प्रहरी र क्रिकेट संघ,’ उनले लेखेकी छन् । 

नेपाली राष्ट्रिय क्रिकेट टिमकी पूर्व कप्तान सन्दीपमाथि एक नाबालिगले बलात्कारको आरोप लगाउँदै जाहेरी दर्ता गराएकी थिइन् । सन्दीपविरुद्ध पक्राउ पूर्जी जारी भएपछि नेपाल क्रिकेट संघले टिमबाट उनलाई निलम्बन गरेको थियो । 

पक्राउ पूर्जी जारी भएको समयमा सन्दीप वेस्ट इन्डिजमा रहेपनि उनले आफू निर्दोष रहेको तथा चाँडै नेपाल आउने भन्दै सामाजिक सञ्जालमा लेखेका थिए । तर उनी लामो समयदेखि सम्पर्क बाहिर रहेका छन् । 

 

संदिप लामिछाने भाग्नु भनेको दण्डहिनता संस्थागत् छ भन्ने परिणाम हो ।

संदिपलाई भगाउनमा प्रहरी र क्रिकेटसंघ ।

— Mohna Ansari ‎ موھنا انصاري (@MohnaAnsari) September 14, 2022