भारत र अष्ट्रेलियाबीचको पहिलो टी-ट्वान्टी आज

काठमाडौँ- आईसीसी टी-ट्वान्टी विश्वकप अघि भारत र अष्ट्रेलियाबीचको तीन खेलको टी-ट्वान्टी सिरिज आजबाट सुरु हुँदैछ । घरेलु टोली भारत र अष्ट्रेलियाबीचको पहिलो खेल नेपाली समय अनुसार ७:१५ बजेबाट मोहालीमा सुरु हुँदैछ ।

सिरिज अष्ट्रेलियाले अक्टोबर १६ देखि नोभेम्बर १३ तारिखसम्म आयोजना गर्ने टी-ट्वान्टी विश्वकपको तयारीको रुपमा समेत रहेको छ । गत वर्ष भएको टी-ट्वान्टी विश्वकप पछि भारतले २९ वटा टी-ट्वान्टी खेल खेलेको छ भने अष्ट्रेलियाले केवल ९ खेल खेलेको छ । अझ भारत र अष्ट्रेलियाले सन् २०२० को डिसेम्बरदेखि एक-अर्काविरुद्ध टी-ट्वान्टी खेल खेलेका छैनन् ।

---

यस सिरिजमा विश्वकप अघि अष्ट्रेलिया र भारत दुबैले आफ्ना स्टार खेलाडीहरुको प्रदर्शन सुधारिएको हेर्न चाहन्छन् । विश्वकपमा अष्ट्रेलियाले आफ्नो पहिलो खेल न्यूजिल्यान्ड तथा भारतले पहिलो खेलमा पाकिस्तानको सामना गर्नेछ ।