१७ वर्षपछि इंग्ल्यान्डले पाकिस्तानमा क्रिकेट खेल्दै

काठमाडौँ- १७ वर्षपछि पाकिस्तानको भ्रमणमा रहेको इंग्ल्यान्डले घरेलु टोलीविरुद्धको सात खेलको टी-ट्वान्टी सिरिजको पहिलो खेल आज खेल्दैछ । पाकिस्तान र इंग्ल्यान्डबीचको खेल कराँचीमा नेपाली समय अनुसार राति ८:१५ बजेबाट सुरु हुनेछ ।

सन् २००५ मा पाकिस्तानको भ्रमण गरेपछि इंग्ल्यान्ड पहिलो पटक पुनः पाकिस्तानको भ्रमणमा गएको क्रिकइन्फोले जनाएको छ । सन् २००५ मा इंग्ल्यान्डले ३ खेलको टेष्ट तथा ५ खेलको एकदिवसीय सिरिजका लागि पाकिस्तानको भ्रमण गरेको थियो । टेष्ट सिरिज पाकिस्तानले २-० तथा एकदिवसीय सिरिज ३-२ ले जितेको थियो ।

---

बीबीसीले जनाएअनुसार सन् २००९ मा श्रीलंकाको टिममा आतंकवादी आक्रमण भएपछि लामो समयसम्म कुनै पनि टिमले पाकिस्तानको भ्रमण गरेका थिएनन् । सन् २०१५ मा मात्र पाकिस्तानको भ्रमण गर्ने जिम्बावे पहिलो टिम बनेको थियो । श्रीलंकाले भने सन् २०१९ मात्र पाकिस्तानको भ्रमण गरेको थियो ।

गत वर्ष नै न्यूजिल्यान्ड र इंग्ल्यान्डले पाकिस्तानको भ्रमण रद्द गरेका थिए । जसका दुबै देश आलोचित हुनुपरेको थियो ।