महिला क्रिकेटमा मधेशको दोस्रो जित

काठमाडौँ- नवौँ राष्ट्रिय खेलकुद अन्तर्गतको महिला क्रिकेटतर्फ मधेश प्रदेशले लगातार दोस्रो जित हात पारेको छ । पोखरा रंगशालामा बिहीबार भएको समूह ‘ए’ अन्तर्गतको खेलमा मधेशले सुदुरपश्चिम प्रदेशलाई १५ रनले पराजित गर्दै लगातार दोस्रो जित हात परेको हो ।

मधेशले दिएको ९२ रनको लक्ष्य पछ्याएको सुदुरपश्चिमले निर्धारित २० ओभरमा ८ विकेट गुमाएर मात्र ७६ रन बनाउन सक्यो । सुदुरपश्चिमका लागि रितु कनौजियाले सर्वाधिक २७ रन जोडिन् । मधेशका लागि शान्ति चौधरी, सन्तोषी चौधरी र अनुराधा चौधरी समान २-२ विकेट लिए ।  

---

यसअघि टस जितेर पहिले ब्याटिङ गरेको मधेशले निर्धारित २० ओभरमा ९ विकेट गुमाएर ९१ रन जोड्यो । मधेशका लागि साना प्रविणले सर्वाधिक ३५ रनको योगदान गरिन् । सुदुरपश्चिमकी सावित्री धामीले सर्वाधिक ४ विकेट हात पारिन् ।