पहिलो जितको खोजीमा तीन क्लब, एपिएफको चाहना लगातार दोस्रो जित

काठमाडौँ- प्रधानमन्त्री कप एकदिवसीय पुरुष क्रिकेट प्रतियोगितामा आज (मंगलबार) दुई खेल हुँदैछन् ।

कीर्तिपुर स्थित टियु क्रिकेट मैदानमा प्रदेश एक र  बागमती प्रदेशबीच प्रतिस्पर्धा हुनेछ । दुबै टोली पहिलो जितको खोजीमा छन् । दुबै टोली पहिलो खेलमा नेपाल पुलिस क्लबसँग पराजित भएका थिए । 

---

मुलपानी क्रिकेट मैदानमा हुने दोस्रो खेलमा बिभागीय टोली एपिएफ क्लब  र सुदूरपश्चिम प्रदेशबीच भिडन्त हुनेछ । पहिलो खेलमा त्रिभुवन आर्मी क्लबलाई पराजित गरेको एपिएफ दोस्रो जितको दाउमा छ । गण्डकी प्रदेशसँग पहिलो खेल हारेको सुदूरपश्चिम भने पहिलो जितको खोजीमा छ  । 

दुबै खेल विहान सवा ९ बजे सुरु हुनेछ ।