के श्रीलंकाले इंग्ल्यान्डलाई निराश तुल्याउला ?

काठमाडौँ- अस्ट्रेलियामा जारी आईसीसी टी-ट्वान्टी क्रिकेट विश्वकपको महत्वपूर्ण खेलमा इंग्ल्यान्डले आज श्रीलंकाको सामना गर्दैछ । समूह एक अन्तर्गतको इंग्ल्यान्ड र श्रीलंकाबीचको खेल सिड्नीमा नेपाली समय अनुसार १:४५ बजेबाट सुरु हुनेछ ।

समूह चरणमा इंग्ल्यान्ड र श्रीलंका दुबैका लागि यो अन्तिम खेल हो । तर आजको खेल इंग्ल्यान्डका लागि महत्वपूर्ण छ किनभने सेमिफाइनलमा स्थान बनाउन उसले श्रीलंकालाई पराजित गर्नै पर्नेछ । यस समूहबाट ५ खेलबाट ७ अंक जोडेको तथा नेट रनरेट राम्रो भएको न्यूजिल्यान्ड सेमिफाइनलमा प्रवेश गरिसकेको छ ।

---

अर्कोतर्फ अस्ट्रेलियाले पनि ५ खेलबाट ७ अंक जोड्दै सेमिफाइनलको सम्भावना कायमै राखेको छ । न्यूजिल्यान्डले भने ४ खेलबाट ५ अंक जोडेको छ र उसलाई अन्तिम खेलमा श्रीलंकालाई पराजित गर्नुपर्ने दवाव छ ।

यता ४ खेलबाट ४ अंक जोडेको श्रीलंका भने सेमिफाइनलको दौडबाट बाहिरिसकेको अवस्था छ । यस्तो अवस्थामा श्रीलंका कुनै दवाव नलिएर मैदानमा उत्रिने हुँदा इंग्ल्यान्डलाई चुनौती थप्न सक्छ ।