इंग्ल्यान्डसामु श्रीलंकाको १४२ रनको लक्ष्य

काठमाडौँ- अस्ट्रेलियामा जारी आईसीसी टी-ट्वान्टी क्रिकेट विश्वकप अन्तर्गत श्रीलंकाले इंग्ल्यान्डसामु १ सय ४२ रनको लक्ष्य प्रस्तुत गरेको छ । टस जितेर पहिले ब्याटिङ गर्ने निर्णय गरेको श्रीलंकाले निर्धारित २० ओभरमा ८ विकेट गुमाएर १ सय ४१ रन जोडेको हो ।

श्रीलंकाका लागि पाथुम निसांकाले ४५ बलमा ६७ रनको योगदान गर्दा ६ छक्का र २ चौका हिर्काए । इंग्ल्यान्डका लागि मार्क उडले सर्वाधिक ३ विकेट लिए ।

---

समूह एक अन्तर्गतको इंग्ल्यान्ड र श्रीलंकाबीचको खेल इंग्ल्यान्डका लागि महत्वपूर्ण छ किनभने सेमिफाइनलमा स्थान बनाउन उसले श्रीलंकालाई पराजित गर्नै पर्नेछ । यस समूहबाट ५ खेलबाट ७ अंक जोडेको तथा नेट रनरेट राम्रो भएको न्यूजिल्यान्ड सेमिफाइनलमा प्रवेश गरिसकेको छ ।

अर्कोतर्फ अस्ट्रेलियाले पनि ५ खेलबाट ७ अंक जोड्दै सेमिफाइनलको सम्भावना कायमै राखेको छ । न्यूजिल्यान्डले भने ४ खेलबाट ५ अंक जोडेको छ र उसलाई अन्तिम खेलमा श्रीलंकालाई पराजित गर्नुपर्ने दवाव छ ।

यता ४ खेलबाट ४ अंक जोडेको श्रीलंका भने सेमिफाइनलको दौडबाट बाहिरिसकेको अवस्था छ ।