टी-ट्वान्टी विश्वकपः पाकिस्तान सेमिफाइनल प्रवेश

काठमाडौँ- बंगलादेशलाई पराजित गर्दै पाकिस्तान आईसीसी टी-ट्वान्टी क्रिकेट विश्वकपको सेमिफाइनलमा पुगेको छ । अस्ट्रेलियाको एडिलेडमा आइतबार भएको समूह दुई अन्तर्गतको आफ्नो अन्तिम खेलमा बंगलादेशलाई ५ विकेटले पराजित गर्दै पाकिस्तान अन्तिम चारमा प्रवेश गरेको हो ।

जितका लागि चाहिएको १ सय २८ रनको लक्ष्य पाकिस्तानले १८ ओभर १ बलमा ५ विकेट गुमाएर पुरा गर्‍यो । पाकिस्तानलाई जित दिलाउन मोहमद हरिसले ३१ रन तथा मोहमद रिजवानले ३२ रनको योगदान गरे ।

---

यसअघि बंगलादेशले टस जितेर ब्याटिङ गर्दै निर्धारित २० ओभरमा ८ विकेट गुमाएर १२७ रन जोडेको थियो ।

बंगलादेशका लागि नजमुल हुसेनले सर्वाधिक ५४ रनको योगदान गर्दा सोम्या सरकारले २० जोडे । पाकिस्तानका लागि शाहिन शाह अफ्रिदीले सर्वाधिक ४ विकेट हात पारे । सदाब खानले २ विकेट लिए ।