यौन दुर्व्यवहारको आरोपमा श्रीलंकन क्रिकेटर पक्राउ

काठमाडौँ- आईसीसी टी-ट्वान्टी विश्वकप खेल्न पुगेको श्रीलंका क्रिकेट टिमका ब्याट्सम्यान डनुस्का गुनाथिलाका अस्ट्रेलियामा पक्राउ परेका छन् । यौन दुर्व्यवहार गरेको आरोपमा गुनाथिलाका पक्राउ परेको रोयटर्सले जनाएको छ ।

उनी सिड्नीबाट पक्राउ परेका हुन् । श्रीलंकन क्रिकेटले गुनाथिलाकाविरुद्ध लागेको आरोपको सोमबार सुनुवाइ हुने जनाएको छ ।

---

अस्ट्रेलियाको प्रहरीले जनाए अनुसार ३१ वर्षीय गुनाथिलाकाले आइतबार राति सिड्नीको एक होटलबाट पक्राउ गरिएको हो । उनीमाथि गत बुधबार एक २९ वर्षीया महिलालाई यौन दुर्व्यवहार गरेको आरोप लागेको छ ।

उनीहरुबीच एक डेटिङ एपबाट केही दिन कुराकानी भएको थियो ।