उड र मलनले विश्वकप फाइनल गुमाउँदैछन् ?

काठमाडौँ- इंग्ल्यान्डका बलर मार्क उड तथा ब्याट्सम्यान डाविड मलनले आईसीसी टी-ट्वान्टी विश्वकप क्रिकेटको फाइनल गुमाउने सम्भावना रहेको छ ।

अस्ट्रेलियामा जारी विश्वकपको सुपर १२ अन्तर्गतको श्रीलंकाविरुद्धको खेलमा दुवै खेलाडी घाइते भएको क्रिकइन्फोले जनाएको छ । बिहीबार भारतविरुद्ध भएको सेमिफाइनलमा उनीहरूको स्थानमा क्रिस जोर्डन र फिल साल्ट टिममा अटाएका थिए ।

---

इंग्ल्यान्डका प्रशिक्षक म्याथ्यु मोटले उनीहरूलाई टिममा समावेश गर्नु भनेको जुवा खेल्नु सरह रहेको प्रतिक्रिया दिए ।

आइतबार हुने विश्वकपको फाइनलमा इंग्ल्यान्डले पाकिस्तानको सामना गर्नेछ । पाकिस्तानले न्यूजिल्यान्डलाई पराजित गर्दै फाइनलमा स्थान बनाएको हो ।