नेपालविरुद्ध खेल्ने युएईको टिम घोषणा

काठमाडौँ- युनाइटेड अरब इमिरेट्स (युएई) ले नेपालविरुद्धको तीन खेलको एकदिवसीय अन्तर्राष्ट्रिय क्रिकेट सिरिजका लागि १५ सदस्यीय टिमको घोषणा गरेको छ ।

नेपाल क्रिकेट संघ (क्यान) ले नेपाल र युएईबीच त्रिवि क्रिकेट मैदानमा आउँदो सोमबार, बुधबार र शुक्रबार खेल हुँदैछ ।

---

युएईले नेपालविरुद्धको सिरिजलाई आईसीसी पुरुप क्रिकेट विश्वकप लिग-२ को सिरिजको तयारीको रुपमा समेत  लिएको छ ।

युएईको टिमः

कप्तान सि पि रिजवान, मुहम्मद वसिम, भृत्या अरविन्द, बसिल हमिद, रोहम मुस्तफा, अश्वन्थ भाल्थापा, विष्णु सुकुमारान, अलिसान साराफु, अदिथ्या सेट्टी, अहमद राजा, जाहुर खान, जुनैद सिद्धिकी, सविर अली, हजरत विलाल र आयान खान ।

यता नेपालले पनि युएईविरुद्धको सिरिजका लागि रोहित पौडेलको कप्तानीमा १६ सदस्यीय टिमको घोषणा गरिसकेको छ ।