अस्ट्रेलियन कप्तान कमिङ्सले आईपीएल नखेल्ने

काठमाडौँ- अस्ट्रेलियाका टेस्ट तथा एकदिवसीय अन्तर्राष्ट्रिय क्रिकेट टिमका कप्तान प्याट कमिङ्सले नयाँ सिजनको इन्डियन प्रिमियर लिग (आईपीएल) नखेल्ने भएका छन् ।

सन् २०२३ मा भारतमा आयोजना हुने एकदिवसीय विश्वकप तथा इंग्ल्यान्डविरुद्धको एसेस सिरिजको तयारीका लागि सन् २०२३ मा आयोजना हुने आईपीएल नखेल्ने कमिङ्सले जनाएका हुन् ।

---

२९ वर्षीय फास्ट बलर कमिङ्सले अस्ट्रेलियामै आयोजना भएको आईसीसी टी-ट्वान्टी विश्वकपमा मध्यम प्रदर्शन गरेका थिए । साविक विजेता अस्ट्रेलिया सुपर १२ बाटै बाहिरिएको थियो ।

आईपीएलको गत सिजनमा कोलकता नाइट राइडर्सले कमिङ्सलाई ७.२५ करोड भारतीय रुपैयाँमा खरिद गरेको थियो ।