युएईविरुद्ध बलिङ गर्दै नेपाल

काठमाडौँ- तीन खेलको एकदिवसीय अन्तर्राष्ट्रिय क्रिकेट सिरिजको अन्तिम खेलमा युनाइटेड अरब इमिरेट्स (युएई) विरुद्ध नेपाल बलिङ गरिरहेको छ ।

त्रिवि क्रिकेट मैदानमा टस जितेर पहिले फिल्डिङ रोज्दै युएईलाई ब्याटिङका लागि निम्तो दिएको हो । नेपाललाई दोस्रो ओभरमै गुल्सन झाले विकेट दिलाएका छन् ।

---

गुल्सनले ११ रन जोडेका मुहम्मद वासिमको विकेट लिए ।

आजको खेल दुबै टिमका लागि महत्वपूर्ण छ किनभने दुबै टिमले एक-एक खेलमा जित हात पारेका छन् । आजको खेलमा जित हात पार्ने टिमले सिरिजमाथि कब्जा जमाउनेछ ।