नेपाली क्रिकेट टिमको बिदाई

काठमाडौँ- आईसीसी पुरुष क्रिकेट विश्वकप लिग-२ अन्तर्गतको एकदिवसीय सिरिज खेल्न जान लागेको नेपाली राष्ट्रिय पुरुष क्रिकेट टोलीको बिदाई गरिएको छ ।

नेपाल क्रिकेट संघ (क्यान) ले मंगलबार नेपाली टिमको बिदाइ गरेको हो । क्यानका कोषाध्यक्ष रोशनकुमार सिंह, सदस्य दुर्गाराज पाठक र महाप्रबन्धक वृतान्त खनालले टिमको बिदाई गरे ।

---

नेपालले नामबियामा त्रिकोणात्मक एकदिवसीय सिरिज खेल्ने तालिका रहेको छ । नामिबिया र नेपालसँगै स्कटल्यान्ड पनि सिरिजमा हुनेछ । सिरिज आगामी डिसेम्बर १ देखि ८ तारिखसम्म हुनेछ ।

तर नामिबिया जानु अघि नेपाली टोली भारतमा एक साता तयारी गर्ने क्यानले जनाएको छ ।

सिरिजका लागि नेपालले रोहित पौडेलको कप्तानीमा टिम घोषणा गरिसकेको छ ।

नेपालको टोली :

रोहित पौडेल, आसिफ शेख, दीपेन्द्र सिंह ऐरी, कुशल भुर्तेल, ललित राजवंशी, सोमपाल कामी, सागर ढकाल, अर्जुन साउद, ज्ञानेन्द्र मल्ल, आरिफ शेख, गुलशन झा, करण केसी, हरिशंकर साह, नन्दन यादव