क्रिकेट लिग-२: नेपालले आइतबार स्कटल्यान्डविरुद्ध खेल्ने

काठमाडौँ- आईसीसी क्रिकेट विश्वकप लिग-२ अन्तर्गत नामिबियामा जारी त्रिकोणात्मक एकदिवसीय अन्तर्राष्ट्रिय सिरिजको दोस्रो खेलमा नेपालले आइतबार स्कटल्यान्डको सामना गर्दैछ ।

नेपाल र स्कटल्यान्डबीचको खेल विन्डहक मैदानमा नेपाली समय अनुसार अपरान्ह १:४५ बजेबाट सुरु हुनेछ । सिरिज अन्तर्गत शुक्रबार भएको पहिलो खेलमा नेपालले नामिबियासँग एक-एक अंक बाँडेको थियो ।

---

अर्कोतर्फ स्कटल्यान्डले भने पहिलो खेलमा नामिबियालाई ४ विकेटले पराजित गरेको थियो ।

सात टिम सहभागी लिग-२ अन्तर्गत नेपाल २१ खेलबाट जम्मा १८ अंक जोड्दै छैटौं स्थानमा छ । २९ खेल खेलेको स्कटल्यान्डको ४२ अंक छ ।