पाकिस्तानी क्रिकेटर अजहरद्वारा टेस्ट क्रिकेटबाट सन्न्यास घोषणा

काठमाडौँ- पाकिस्तानी क्रिकेटर अजहर अलीले टेस्ट क्रिकेटबाट सन्न्यास लिने घोषणा गरेका छन् । शनिबारबाट कराँचीमा सुरु हुने इंग्ल्यान्डविरुद्धको तेस्रो टेस्ट खेलपछि अजहरले सन्न्यास लिने घोषणा गरेको क्रिकइन्फोले जनाएको छ ।

उनले पाकिस्तानका लागि ९६ टेस्ट खेलेका छन् । अजहरले पाकिस्तानका लागि १९ सतकसहित ७ हजार ९७ रन बनाएका छन् । अजहरले ५३ एकदिवसीय खेल्दै ३ सतकसहित १ हजार ८ सय ४५ रन बनाएका छन् ।

---

३७ वर्षीय अजहरले पाकिस्तानका लागि ९ टेस्ट खेलमा कप्तानी गरेका छन् । उनको कप्तानीमा पाकिस्तानले घरेलु मैदानमा दुईवटा टेस्ट सिरिज जितेको थियो ।