आईपीएल अक्सनः साम बने आईपीएल इतिहासकै सर्वाधिक महंगा खेलाडी

काठमाडौँ- इंग्ल्यान्ड क्रिकेट टिमका अलराउन्डर साम कुरान इन्डियन प्रिमियर लिगको अहिले सम्मकै सर्वाधिक महंगा खेलाडी बनेका छन् ।

आईपीएलका लागि जारी अक्सनका क्रममा कुरानलाई पञ्जाब किंग्सले १८ करोड ५ लाख भारतीय रुपैयाँमा खरिद गरेको हो । सो मूल्य आईपीएल इतिहासकै सबै भन्दा धेरै हो ।

---

यस अघि सन् २०२१ मा दक्षिण अफ्रिकाका अलराउन्डर क्रिस मोरिसलाई राजस्थान रोयल्सले १६ करोड २५ लाख भारतीय रुपैयाँमा खरिद गरेको थियो ।

कुरानका लागि २ करोडबाट बोलकबोल सुरु भएको थियो । कुरानका लागि मुम्बई इन्डियन्स, राजस्थान रोयल्स र चेन्नई सुपर किंग्स पनि बोलकबोलमा सहभागी थिए ।