नेपाल टी-ट्वान्टी लिग आजबाट सुरु

काठमाडौँ- पटक पटक स्थगित भएको नेपाल टी-ट्वान्टी क्रिकेट लिग आजबाट सुरु हुँदैछ । त्रिवि क्रिकेट मैदानमा काठमाडौँ नाइट्स र पोखरा एभेन्जर्सबीच उदघाटन खेल हुँदैछ ।

पहिलो खेलमा टस जितेर एभेन्जर्सले बलिङ गर्ने निर्णय गरेको छ । आजै हुने दोस्रो खेलमा लुम्बिनी अल स्टार्स र फार वेस्ट युनाइटेड भिड्नेछन् ।

---

त्रिवि क्रिकेट मैदानमा खेलाइने पहिलो संस्करणको प्रतियोगितामा ६ टोलीको सहभागिता रहेको छ ।

प्रतियोगितामा काठमाडौं नाइट्स, पोखरा एभेन्जर्स, विराटनगर सुपर किंग्स, लुम्बिनी अल स्टार्स, जनकपुर रोयल्स र फार वेस्टर्न युनाइटेड छन् ।

लिगको उपाधि विजेताले ५५ लाख नगद पुरस्कार पाउने छ । उपविजेताले भने ३० लाख पाउने छ । त्यसैगरी, तेस्रोले १० लाख तथा चौथों हुनेले ५ लाख पाउने छन् । प्रतियोगिताको प्लेयर अफ द टुनामेन्टले ५ लाख तथा हरेक खेलको प्लेयर अफ द म्याचले ४० हजार प्राप्त गर्ने छन् ।