नेपाल टी-ट्वान्टीः लुम्बिनीको लगातार दोस्रो जित

काठमाडौँ- लुम्बिनी अल स्टार्सले नेपाल टी-ट्वान्टी लिगमा लगातार दोस्रो जित हात पारेको छ । त्रिवि क्रिकेट मैदानमा विराटनगर सुपर किंग्सलाई ३ रनले पराजित गर्दै लुम्बिनीले दोस्रो जित हात पारेको हो । लुम्बिनीले पहिलो खेलमा फार वेस्ट युनाइटेडलाई ६७ रनले पराजित गरेको थियो ।

आजको खेलमा लुम्बिनीले दिएको १ सय ५८ रनको लक्ष्य पछ्याएको विराटनगरले निर्धारित २० ओभरमा ६ विकेट गुमाएर १ सय ५४ रन मात्र जोड्यो ।

---

विराटनगरका लागि हुसेन तलतले सर्वाधिक ३९ रन जोडे । लुम्बिनीका किशोर महतोले २ विकेट लिए । प्याट ब्राउन, गुल्सन झा, दिपेन्द्र सिंह ऐरी र सागर ढकालले एक-एक विकेट हात पारे ।

यसअघि टस हारेर पहिले ब्याटिङ गरेको लुम्बिनीले निर्धारित २० ओभरमा ६ विकेट गुमाएर १ सय ५७ रन जोड्यो । लुम्बिनीका लागि लाहिरु मिलान्थाले ६३ बलमा अविजित ८० रन जोडे । उनले ५ चौका र ४ छक्का हिर्काए ।

बिराटनगरका नन्दन यादव, हुसेन तलत, शहाब आलम, सिकन्दर राजा र एन्ड्री माइककार्थीले एक-एक विकेट लिए ।