शेन वार्नको सम्मानमा अवार्डको नाम परिवर्तन

काठमाडौँ- क्रिकेट अस्ट्रेलियाले टेस्ट क्रिकेटमा दिइने सबैभन्दा ठूलो अवार्डको नाम परिवर्तन गरेको छ । यसै वर्ष निधन भएका अस्ट्रेलियाका महान टेस्ट खेलाडी शेन वार्नको सम्मानमा टेस्ट प्लेयर अफ द इयरको नाम परिवर्तन गरिएको आईएएनएसले जनाएको छ ।

सो अवार्डलाई शेन वार्न मेन्स टेस्ट प्लेयर अफ द इयर अवार्ड नामाकरण गरिएको छ । सो अवार्ड जनवरी ३० मा प्रदान गरिनेछ ।

---

अस्ट्रेलियन स्पिन लिजेन्ड वार्नको मार्च ४ तारिखमा थाइल्यान्डमा निधन भएको थियो । क्रिकेट अस्ट्रेलियाले जनाए अनुसार वार्नले टेस्ट क्रिकेटमा पुर्‍याएको अभूतपूर्व योगदानको सम्मानस्वरुप सो अवार्डको नाम परिवर्तन गरिएको हो ।

वार्नले सन् १९९२-२००७ देखि अस्ट्रेलियाका लागि १ सय ४५ टेस्ट खेल्दै ७ सय ८ विकेट लिएका थिए ।