सयौँ टेस्ट खेलमा वार्नरको शतक

काठमाडौँ- अस्ट्रेलियन ब्याट्सम्यान डेभिड वार्नरले आफ्नो एक सयौँ टेस्ट खेलमा शतक पुरा गरेका छन् । पाहुना टोली दक्षिण अफ्रिकाविरुद्ध जारी दोस्रो टेस्ट खेल वार्नरका लागि व्यक्तिगत एक सयौँ टेस्ट खेल हो ।

सोही खेलका क्रममा वार्नरले शतक पुरा गरेका छन् । उनले एकदिवसीयको सयौँ खेलमा समेत शतक पुरा गरेका थिए । टेस्ट र एकदिवसीय दुवैको सयौँ खेलमा शतक पुरा गर्ने उनी दोस्रो खेलाडी हुन् । यसअघि वेस्ट इन्डिजका गोर्डन ग्रिनिजले उक्त कीर्तिमान कायम गरेका थिए ।

---

यो समाचार पार्दासम्म वार्नरले १ सय ३४ रन बनाउँदै ब्याटिङ गरिरहेका छन् । एक सयौँ खेलमा शतक पुरा गर्ने वार्नर १०औँ खेलाडी समेत बनेका छन् ।

टेस्टमा उनको यो २५ औँ शतक समेत हो । वार्नरले टेस्टमा ८ हजार रन समेत पुरा गरेका छन् । ८ हजार रन पुरा गर्ने उनी आठौँ अस्ट्रेलियन क्रिकेटर हुन् ।