नेपाल टी-ट्वान्टीः जनकपुरमाथि काठमाडौँको शानदार जित

काठमाडौँ- नेपाल टी-ट्वान्टी क्रिकेट लिग अन्तर्गत काठमाडौँ नाइट्सले तेस्रो जित हात पारेको छ । त्रिवि क्रिकेट मैदानमा आइतबार जनकपुर रोयाल्सलाई ९० रनले पराजित गर्दै काठमाडौँले तेस्रो जित हात पारेको हो ।

काठमाडौँले दिएको १ सय ८१ रनको लक्ष्य पछ्याएको जनकपुरले १९ ओभर १ बलमा सबै विकेट गुमाउँदै ९० रन मात्र जोड्न सक्यो । जनकपुरका लागि सराफुदिन असरफले ३७ रन, सोमपाल कामीले २१ रन तथा खडग बोहराले १० रन बनाए ।

---

काठमाडौँका अविनाश बोहराले ४ तथा अजमातुल्लाह ओमारजाईले २ विकेट हात पारे । कमल ऐरी, अनिल खरेल र बसिर अहमदले १-१ विकेट लिए ।

यसअघि टस हारेर पहिले ब्याटिङ गरेको काठमाडौँले निर्धारित २० ओभरमा ६ विकेट गुमाएर १ सय ८० रन बनाएको थियो । काठमाडौँका लागि सुनम गौतमले ४७ बलमा सर्वाधिक ६२ रन बनाए । उनले समान ४ चौका र ४ छक्का हिर्काए । र्‍यान बर्लले ४० बलमा ४ चौका र ३ छक्कासहित ६१ रन जोडे ।

जनकपुरका लागि जितेन्द्र मुखियाले सर्वाधिक ३ तथा सराफुदिन असरफ र ट्रेभोन ग्रिफिथले एक-एक विकेट हात पारे ।

लिगमा जनकपुरको यो दोस्रो हार हो भने काठमाडौँको तेस्रो जित हो ।