नेपाल टी-ट्वान्टी लिगः लुम्बिनीको छैटौ जित

काठमाडौँ- नेपाल टी-ट्वान्टी क्रिकेट लिग अन्तर्गत लुम्बिनी अल स्टार्सले छैटौ जित हात पारेको छ । त्रिवि क्रिकेट मैदानमा आइतबार भएको खेलमा लुम्बिनीले विराटनगर सुपर किंग्सलाई १२ रनले पराजित गर्दै छैटौ जित हात पारेको हो । विराटनगरको तेस्रो पराजय हो । 

आइतबारको खेलमा लुम्बिनीले दिएको १ सय २३ रनको लक्ष्य पछ्याएको विराटनगरले १९ ओभर ३ बलमा सबै विकेट गुमाउँदै १ सय १० रनमात्र जोड्यो ।

---

विराटनगरका लागि अर्जुन साउदले ४१ रन बनाए । लुम्बिनीका साड्ली भान, ह्यारी टेक्टर र तिलक भण्डारीले २-२ विकेट लिए ।

यसअघि टस जितेर पहिले ब्याटिङ गरेको लुम्बिनीले निर्धारित २० ओभरमा ९ विकेट गुमाएर १ सय २२ रनको सामान्य योगफल तयार पारेको थियो । लुम्बिनीका लागि कप्तान दिपेन्द्र सिंह ऐरीले सर्वाधिक ५० रनको योगदान गरे ।

विराटनगरका नन्दन यादव, सूर्य तामाङ र विवेक यादवले समान २-२ विकेट हात पारे ।