नेपाल टी-ट्वान्टी क्रिकेट लिगमा ‘फिक्सिङ’ भएको दाबी (भिडियो सहित)

काठमाडौँ- नेपाल टी-ट्वान्टी क्रिकेट लिगमा फिक्सिङ अर्थात् मिलेमतो भएको दाबी गर्दै कमेन्टेटर सचिन तिमल्सिनाले कमेन्ट्री छाडेका छन् ।

सचिनले फेसबुकमा एक भिडियो सार्वजनिक गर्दै लिगको खेलका क्रममा फिक्सिङ भइरहेको दाबी गर्दै लिगमा मंगलबारदेखि आफ्नो कुनै संलग्नता नरहने बताए ।

---

उनले लिगका क्रममा फिक्सिङ तथा खेलाडीलाई पारिश्रमिक नदिएरै आयोजक गायब भएको जनाएका छन् ।

सचिनले पुरै खेल नै फिक्सिङ नभएपनि खेलका क्रममा स्पट फिक्सिङ हुने गरेको तथा त्यसका लागि टिमका विदेशी कप्तानलाई संलग्न गराइएको दाबी गरे ।

उनले नेपाली खेलाडीहरु पनि स्पट फिक्सिङमा रहेको दाबी गरे ।