प्लेअफमा पुगिसकेको लुम्बिनीले जनकपुरलाई हरायो

काठमाडौँ- नेपाल टी-ट्वान्टी क्रिकेट लिग अन्तर्गत लुम्बिनी अल स्टार्सले आठौ जित दर्ता गरेको छ । प्लेअफमा स्थान बनाइसकेको लुम्बनीले आठौ जित हात पार्न जनकपुर रोयाल्सलाई ५ रनले पराजित गर्‍यो ।

त्रिवि क्रिकेट मैदानमा १ सय ७९ रनको लक्ष्य पछ्याएको जनकपुरले निर्धारित २० ओभरमा ५ विकेट गुमाएर १ सय ७३ रनमात्र जोड्यो । जनकपुरका लागि चाडविक वाल्टनले ३६ बलमा ३ चौका र ४ छक्का हिर्काउँदै अविजित ५९ रन बनाएपनि जितका लागि पर्याप्त भएन ।

---

जनकपुरलाई पराजित गर्न लुम्बिनीका लागि ह्यारी टेक्टर र विपुल शर्माले समान २-२ विकेट लिए ।  

यसअघि टस जितेर पहिले ब्याटिङ गरेको लुम्बिनीले निर्धारित २० ओभरमा ६ विकेट गुमाएर १ सय ७८ रन बनायो । लुम्बिनीका लागि ओपनर हारमित सिंहले ५ चौका र ६ छक्काको मदतमा ४७ बलमा ७३ रन जोडे ।

जनकपुरका सराफुदिन असरफले सर्वाधिक ३ विकेट लिए ।

लिगमा ८ खेल खेलेको जनकपुरको यो तेस्रो पराजय हो । लुम्बिनीले भने एक खेलमा मात्र पराजय भोगेको छ ।