नेपाल टी-ट्वान्टीः लुम्बिनीको आठौँ जित, काठमाडौँ पराजित

काठमाडौँ- नेपाल टी-ट्वान्टी लिगअन्तर्गत प्लेअफमा स्थान सुरक्षित गरिसकेको लुम्बिनी अल स्टार्सले आठौ जित हात पारेको छ । त्रिवि क्रिकेट मैदानमा बुधबार भएको खेलमा लुम्बिनीले काठमाडौँ नाइट्सलाई १ सय २ रनले पराजित गर्‍यो । काठमाडौँको यो ८ खेलमा चौथो पराजय हो ।

काठमाडौँका खेलाडीहरू टसका लागि मैदानमा आएपछि ढिलो आएपछि १७ ओभरमा समेटिएको खेलमा लुम्बिनीले काठमाडौँलाई १ सय ८४ रनको लक्ष्य दिएको थियो ।

---

सो लक्ष्य पछ्याउने क्रममा काठमाडौँले १५ ओभर ४ बलमा सबै विकेट गुमाएर ८१ रन मात्र जोड्यो । काठमाडौँका लागि बसिर अहमदले २३ रन जोडे । लुम्बिनीका लागि इशान पाण्डे, कुशल भुर्तेल र ह्यारी टेक्टरले २-२ विकेट हात पारे ।

यसअघि टस जितेर पहिले ब्याटिङ गरेको लुम्बिनीले निर्धारित १७ ओभरमा ६ विकेट गुमाउँदै १ सय ८३ रन जोड्यो । लुम्बिनीका लागि हरमित सिंहले ३६ बलमा २ चौका र ८ छक्काको मदतमा ७० रन बनाए ।

काठमाडौँका अविनाश बोहराले सर्वाधिक ३ तथा बसिर अहमदले २ विकेट लिए ।