अस्ट्रेलियाको बीबीएलबाट बाहिरिने राशिदको चेतावनी

काठमाडौँ- अफगानिस्तानका उत्कृष्ट स्पिनर राशिद खानले अस्ट्रेलियामा आयोजना हुँदै आएको बीग बास लिग (बीबीएल) बाट बाहिरिने चेतावनी दिएका छन् ।

अस्ट्रेलियाले मार्चमा तय गरिएको अफगानिस्तानविरुद्धको एकदिवसीय सिरिज नखेल्ने जनाएपछि राशिदको यस्तो चेतावनी आएको आईएएनएसले जनाएको छ ।

---

राशिदले अस्ट्रेलियाको फ्रेन्चाइज्ड टी-ट्वान्टी लिग ‘बीबीएल’ मा आफ्नो भविष्यबारे निर्णय सोचिरहेको बताए ।

अफगानिस्तान र अस्ट्रेलियाबीच युएईमा हुने भनिएको एकदिवसीय सिरिजका लागि अस्ट्रेलियाले यात्रा नगर्ने निर्णय गरेको छ । अफगानिस्तानको तालिवान सरकारले महिलाहरुलाई शिक्षा र रोजगारीबाट बञ्चित गरेको भन्दै अस्ट्रेलियाले सिरिज खेल्न अस्विकार गरेको हो ।

यता अफगानिस्तान क्रिकेट बोर्डले भने यस विषयलाई इन्टरनेसनल क्रिकेट काउन्सिलमा लिएर जाने जनाएको छ ।