पीएम कप क्रिकेटः प्रदेश १ सेमिफाइनलमा

काठमाडौँ- प्रदेश नम्बर १ पीएम कप महिला टी-ट्वान्टी राष्ट्रिय क्रिकेट प्रतियोगिताको सेमिफाइनलमा प्रवेश गरेको छ । सुनसरीको इटहरीस्थित जनता क्रिकेट पार्कमा मंगलबार समूह ‘बी’ अन्तर्गत लगातार तीन खेलमा जित हात पार्दै प्रदेश १ अन्तिम चारमा प्रवेश गरेको हो । लगातार तीन खेलमा पराजय भोगेको कर्णाली भने प्रतियोगिताबाट बाहिरिएको छ ।

मंगलबार समूह चरणको अन्तिम खेलमा प्रदेश १ ले कर्णाली प्रदेशलाई १० विकेटले पराजित गरेको हो । खराब मौसमका कारण ११ ओभरमा सीमित भएको खेलमा ४० रनको लक्ष्य प्रदेश १ ले ४ ओभर ५ बलमा पुरा गर्‍यो ।

---

प्रदेश १ लाई जित दिलाउन रुविना क्षेत्रीले २२ तथा काजल श्रेष्ठले १३ रनको योगदान गरे ।

यसअघि टस जितेर पहिले ब्याटिङ गरेको कर्णालीले निर्धारित ११ ओभरमा ५ विकेट गुमाएर ३९ रन जोड्यो ।