सुदूरपश्चिमले जित्यो पीएम कप क्रिकेटको उपाधि

काठमाडौँ- सुदूरपश्चिम प्रदेशले पीएम कप महिला टी-ट्वान्टी राष्ट्रिय क्रिकेट प्रतियोगिताको उपाधि जितेको छ । सुनसरीको इटहरीस्थित जनता क्रिकेट पार्कमा शनिबार भएको फाइनलमा प्रदेश नम्बर १ लाई ६ विकेटले पराजित गर्दै सुदूरपश्चिमले उपाधि जितेको हो ।

उपाधिका लागि चाहिएको १ सय २ रनको लक्ष्य सुदूरपश्चिमले १९ ओभर ५ बलमा ४ विकेट गुमाएर पुरा गर्‍यो । सुदूरपश्चिमका लागि सम्झना खड्काले अविजित २७ रन तथा डोली भट्टले २२ रनको योगदान गरे । कविता जोशीले अविजित १९ रन बनाइन् ।

---

प्रदेश १ का लागि रुविना क्षेत्री, संगिता राई, सबनम राई र हिरनमइ रोयले एक-एक विकेट लिए ।

टस जितेर पहिले ब्याटिङ गर्ने निर्णय गरेको प्रदेश १ ले निर्धारित २० ओभरमा ५ विकेट गुमाएर १ सय १ रन जोड्यो । प्रदेश १ का लागि काजल श्रेष्ठले सर्वाधिक ४८ रनको योगदान गरिन् ।

अप्सरी बेगमले १५ तथा कप्तान रुविना क्षेत्रीले १४ रन जोडे । सुदूरपश्चिमका लागि मनिशा चौधरीले २ तथा रितु कनौजियाले १ विकेट लिए ।