इरासमस र ओजा एसोसिएट क्रिकेटर्स अफ द इयर घोषित

काठमाडौँ- नामिबियाका कप्तान जेरहार्ड इरासमस र युनाइटेड अरब इमिरेट्स (युएई) की ब्याटर इशा ओजा आईसीसीको एसोसिएट क्रिकेटर्स अफ द इयर २०२२ घोषित भएका छन् । आईसीसीले इरासमसलाई पुरुष तथा ओजालाई महिलातर्फको एसोसिएट क्रिकेटर्स अफ द इयर गरेको हो ।

नामिबियाका २७ वर्षीय कप्तान इरासमसले सन् २०२२ मा एकदिवसीय अन्तर्राष्ट्रियमा ९ सय ५६ रन लिनुका साथै १२ विकेट हात पारे । उनले टी-ट्वान्टीमा ३ सय ६ रन बनाउँदा ६ विकेट पनि लिए ।

---

त्यसैगरी, ओजाले दुई शतक र दुई अर्धशतक सहित टी-ट्वान्टीमा ६ सय ७५ रन जोडेकी थिइन् । उनले टी-ट्वान्टीमा १५ विकेट समेत हात पारिन् ।