टेनिस खेलाडी सानिया क्रिकेट लिगका लागि मेन्टर नियुक्त

काठमाडौँ- भारतीय टेनिस स्टार सानिया मिर्जा वुमन्स प्रिमियर लिग (डब्ल्यूपीएल) क्रिकेटका लागि रोयाल च्यालेन्जर्स बैंग्लोरको मेन्टरमा नियुक्त भएकी छन् । पाँच टिमको सहभागिता रहेको लिग मार्च ४ देखि २६ सम्म मुम्बईमा हुनेछ ।

डबल्स तथा मिक्स्ड डबल्सको ६ वटा मुख्य उपाधि जितेकी ३६ वर्षीया सानियाले एटीपी दुबई ओपनपछि टिममा आवद्ध हुने क्रिकइन्फोले जनाएको छ । सानियाले अस्ट्रेलियन ओपनपछि सन्यासको घोषणा गरेकी थिइन् ।

---

सानियाले उक्त भूमिकाका लागि प्रस्ताव आएपछि आश्चर्य लागेको बताए पनि मेन्टरको भूमिकाका लागि उत्साहित रहेको प्रतिक्रिया दिएकी छन् । सानियाले खेलाडीको मानसिक पक्षमा बढी काम गर्ने अपेक्षा रहेको छ ।

बैंग्लोरले पहिलो खेल दिल्ली क्यापिटल्सविरुद्ध मार्च ५ मा खेल्ने तालिका रहेको छ ।