लिग-२ मा सन्दीपले पूरा गरे ५० विकेटको कीर्तिमान

काठमाडौँ- आईसीसी पुरुष क्रिकेट विश्वकप लिग-२ अन्तर्गत नेपाली लेग स्पिनर सन्दीप लामिछानेले ५० विकेट पूरा गरेका छन् । कीर्तिपुरमा जारी लिग-२ अन्तर्गतको एकदिवसीय अन्तर्राष्ट्रिय सिरिजमा नामिबियाविरुद्ध २ विकेट लिएपछि उनले ५० विकेट पूरा गरेका हुन् ।

उनले २३ खेलमै ५० विकेट लिन सफल भए । लिग-२ मा सर्वाधिक विकेट लिने खेलाडीको तेस्रो स्थानमा रहेका सन्दीपले एकदिवसीय अन्तर्राष्ट्रियमा ७७ विकेट समेत पूरा गरेका छन् । उनले ३३ खेलमा ७७ विकेट हात पारेका हुन् ।

---

लिग-२ मा ३५ खेल खेलका ओमानका विलाल खानले सर्वाधिक ७६ विकेट तथा अमेरिकाका सौरभ नेत्रभाल्कारले ५८ विकेट हात पारेका छन् ।