नामिबियाले स्कटल्यान्डविरुद्ध बलिङ गर्दै

काठमाडौँ- कीर्तिपुरमा जारी आईसीसी पुरुष क्रिकेट विश्वकप लिग-२ अन्तर्गतको एकदिवसीय अन्तर्राष्ट्रिय सिरिजमा नामिबियाले आफ्नो अन्तिम खेलमा स्कटल्यान्डविरुद्ध बलिङ गर्ने भएको छ ।

त्रिवि क्रिकेट मैदानमा टस जितेर नामिबियाले स्कटल्यान्डलाई पहिले ब्याटिङ गर्ने निम्तो दिएको छ । जारी सिरिजमा नामिबियाले अघिल्ला ३ वटै खेलमा पराजय भोगिसकेको छ ।

---

दुई खेल खेलेको स्कटल्यान्डले भने एक खेलमा जित तथा एक खेलमा पराजय भोगेको छ । नामिबियाले नेपालविरुद्ध २ तथा स्कटल्यान्डविरुद्ध १ खेलमा पराजय भोगेको थियो ।

स्कटल्यान्डले भने नामिबियालाई पराजित गर्दा नेपालसँग हार भोगेको थियो ।