यु-१९ टिमको कप्तानमा देव खनाल

काठमाडौं- आईसीसी यू-१९ पुरुष विश्वकपको एसिया छनोट प्रतियोगितामा देव खनालले नेपालको कप्तानी गर्ने भएका छन् । नेपाल क्रिकेट संघ (क्यान)ले मंगलबार एक विज्ञप्ति जारी गर्दै देवलाई कप्तान नियुक्त गरिएको जनाएको हाे ।

यसअघिका कप्तान गुल्सन युएईमा हुने आईसीसी क्रिकेट विश्वकप लिग टु को श्रृङ्खलाका लागि सिनियर टिममै रहने भएपछि देवलाई जिम्मेवारी दिइएको क्यानले जनाएको छ ।

---

यू-१९ छनोट प्रतियोगिता फागुन १२ देखि यूएईमा सुरु हुनेछ । नेपाली टोली बुधबार त्यसतर्फ जानेछन् । यस प्रतियोगितामा नेपालसहित सिंगापुर, कतार, हङकङ, मलेसिया र आयोजक यूएईको सहभागिता रहेको छ ।