सिंगापुरलाई हराउँदै विश्वकप छनोटमा नेपालको शानदार सुरुवात

काठमाडौँ– नेपालले आइसिसी यू-१९ विश्वकप एसिया क्षेत्र छनोटमा सिंगापुरमाथि ९६ रनको शानदार जित हात पारेको छ । २ सय ६२ रनको लक्ष्य पछ्याएको सिंगापुरले निर्धारित ५० ओभरमा ७ विकेट गुमाउँदै १ सय ६५ रन बनायो ।

सिंगापुरका आर्यन मोदीले सर्वाधिक ५८ रनको योगदान दिए । मोदी रन आउट भएका थिए । सिद्धान्त श्रीकान्त ४४ रनमा आउट भए ।  नेपालका स्पिनर सुवास भण्डारी र हेमन्त धामीले २-२ विकेट लिए । विशाल विक्रम  केसीले १ विकेट लिए ।

---

त्यसअघि युएईको आजमानमा रहेको इर्डेन गार्डेन ओभलमा टस जितेर पहिला ब्याटिङको रोजेको नेपालले निर्धारित ५० ओभरमा ७ विकेट गुमाउँदै २ सय ६१ रन बनाएको थियो । नेपालका लागि आकाश त्रिपाठीले १ सय बलमा ७ चौका र १ छक्कासहित सर्वाधिक ७८ रनको योगदान गरे ।

त्यस्तै विशाल विक्रम केसी ५४ बलमा ४ चौका र २ छक्कासहित ६३ रनमा अविजित रहे ।