सन्दीप लामिछाने नेपाली टिममा, युएई जाने निश्चित

काठमाडौँ- लेग स्पिनर सन्दीप लामिछाने युएई जाने सुनिश्चति भएको छ । उनी मौसम ढकालको स्थानमा नेपाली टिममा समेटिएको नेपाल क्रिकेट संघले जनाएको छ । 

युएईमा जारी आईसीसी पुरुष क्रिकेट विश्वकप लिग-२ अन्तर्गतको एकदिवसीय अन्तर्राष्ट्रिय सिरिजका लागि सन्दीप युएई जाने भएका हुन् । सिरिजअन्तर्गत नेपालले भोली बिहीबार आयोजक युनाइटेड अरब इमिरेट्सविरुद्ध खेल्दैछ ।

---

मौसम घाइते भएपछि उनको स्थानमा सन्दीपलाई राखिएको क्यानले जनाएको छ । सर्वोच्च अदालतले विदेश जान पाउने आदेश दिएपछि सन्दीपलाई टिममा राख्न क्यानले आईसीसीसँग अनुरोध गरेको थियो ।