क्रिकेट लिग-२: नेपालले आज पीएनजीविरुद्ध खेल्दै

काठमाडौँ- युनाइटेड अरब इमिरेट्स (युएई) मा जारी आईसीसी पुरुष क्रिकेट विश्वकप लिग-२ अन्तर्गतको एकदिवसीय अन्तर्राष्ट्रिय सिरिजमा नेपालले आज पपुवा न्यूगिनी (पीएनजी) विरुद्ध खेल्दैछ ।

नेपाल र पीएनजीबीचको खेल दुबई इन्टरनेसनल स्टेडियममा नेपाली समय अनुसार ११.४५ बजेबाट सुरु हुनेछ । सिरिजअन्तर्गत नेपालले पीएनजीसँग दोस्रो पटक खेल्न लागेको हो ।

---

यसअघिको पहिलो खेलमा नेपालले पीएनजीलाई ४ विकेटले पराजित गरेको थियो । तर अर्को खेलमा पीएनजीले भने युएईलाई १ सय ३१ रनले पराजित गरेको थियो । अर्कोतर्फ दोस्रो खेलमा भने नेपालले बिहीबार युएईसँग ६८ रनको पराजय भोग्यो ।

लिग-२ अन्तर्गत यो नेपाल र पीएनजी दुबैका लागि ३१ औँ खेल हुनेछ । यसअघि ३० खेलबाट २८ अंक जोडेको नेपाल छैटौ स्थान तथा ७ अंक जोडेको पीएनजी पुछारमा रहेका छन् । युएई भने ३१ अंकसहित पाँचौ स्थानमा छ ।