पीएनजीले दियो यूएईलाई २४७ रनको लक्ष्य

काठमाडौँ- कीर्तिपुरमा जारी आईसीसी पुरुष क्रिकेट विश्वकप लिग-२ अन्तर्गतको एकदिवसीय अन्तर्राष्ट्रिय सिरिजको दोस्रो खेलमा पपुवा न्यूगिनी (पीएनजी) ले युनाइटेड अरब इमिरेट्स (यूएई) लाई २४७ रनको लक्ष्य दिएको छ ।

त्रिवि क्रिकेट मैदानमा टस हारेर पहिले ब्याटिङ गरेको पीएनजीले निर्धारित ५० ओभरमा ९ विकेट गुमाउँदै २४६ रन जोड्यो । पीएनजीका लागि सेसे बाउले सर्वाधिक ८१ रन बनाए । हिरी हिरीले ७७ रन तथा किपलिन डोरिगाले ५५ रनको योगदान गरे ।

---

यूएईका लागि आयान अफजल खानले ३ तथा जाहुर खान र जुनैद सिद्दिकीले समान २-२, रोहन मुस्तफा र कार्थिक मयप्पनले १-१ विकेट लिए ।

सिरिजमा पीएनजीले दोस्रो खेल खेल्दै छ । यसअघि बिहीबार पीएनजीले नेपालसँग ५२ रनको पराजय भोगेको थियो । सिरिजमा भने यूएईको यो पहिलो खेल हो ।