'वर्ल्ड रेकर्ड' कायम गर्न सन्दीप लामिछाने दुई विकेट टाढा

काठमाडौँ- नेपाली राष्ट्रिय क्रिकेट टिमका पूर्वकप्तान तथा लेग स्पिनर सन्दीप लामिछाने एकदिवसीय अन्तर्राष्ट्रियमा विश्व कीर्तिमान कायम गर्न केवल दुई विकेट टाढा छन् ।

सन्दीपले आगामी तीन एकदिवसीय अन्तर्राष्ट्रिय खेलमा केवल दुई विकेट हात पारे एकदिवसीयमा सर्वाधिक छिटो १०० विकेट लिने विश्व कीर्तिमान कायम गर्नेछन् ।

---

सन्दीपले ४० खेलमै ९८ विकेट पूरा गरे । अफगानिस्तानका रासिद खानले ४४ खेलमा १०० विकेट लिँदै विश्व कीर्तिमान आफ्नो नाममा लेखाएका छन् ।

यता अस्ट्रेलियाका मिचेल स्टार्क भने सर्वाधिक छिटो १०० विकेट लिने खेलाडीको दोस्रो स्थानमा छन् । स्टार्ककाे नाममा ५२ खेलमा १०० विकेट बनाएकाे रेकर्ड छ।

सन्दीप भने कीर्तिपुरमा जारी आईसीसी पुरुष क्रिकेट विश्वकप लिग-२ अन्तर्गतको एकदिवसीय अन्तर्राष्ट्रिय सिरिजमा पपुवा न्यूगिनी (पीएनजी) विरुद्ध ५ विकेट हात पारेपछि उनी विश्व कीर्तिमानको नजिक पुगेका हुन् ।