पारससम्मिलित एसियाको लगातार दोस्रो जित

काठमाडौँ – नेपाली क्रिकेट टिमका पूर्वकप्तान पारस खड्का सम्मिलित एसिया लायन्सले लिजेन्ड्स क्रिकेट लिगमा लगातार दोस्रो जित हात पारेको छ । कतारको दोहामा सोमबार राति भएको खेलमा एसिया लायन्सले वर्ल्ड जायन्ट्समाथि ३५ रनको जित हात पारेको हो ।

मैदान भिजेका कारण निर्धारित समयमा खेल हुन नसकेपछि १० ओभरमा झारिएको खेलमा १ सय रनको लक्ष्य पछ्याएको जायन्ट्सले ५ विकेट गुमाउँदै ६४ रनमात्र जोड्यो । क्रिस गेलले १६ बलमा ३ छक्कासहित सर्वाधिक २३ रन बनाए ।

---

एसिया लायन्सका लागि कप्तान शाहिद अफ्रिदी र अब्दुर रजाकले समान २-२  विकेट हात पार्दा सोहेल तनविरले एक विकेट लिए ।

यसअघि टस हारेर पहिला ब्याटिङ गरेको एसिया लायन्सले निर्धारित १० ओभरमा ३ विकेट गुमाउँदै ९९ रन बनायो । एसिया लायन्सका मिसवाह-उल-हक ४४ रनमा अविजित रहेका थिए । तिलकरत्ने दिलशान ३२ रनमा अविजित रहे ।

पारस खड्का प्लेइङ-११ मा परेपनि उनले ब्याटिङ र बलिङ गर्ने अवसर भने पाएनन् ।